VAN VER PAAIE EN ‘N OU GȎGȎ

Meelbroeke hou my op die pad.  Weg van my huis, my mense my honde.  Baie soos sangers en ander reisigers.  Dus is die tuiskoms ná ‘n afwesigheid van ‘n week of twee, altyd soos daardie warm kombers van geborgenheid wat om my vou, die “Ahhhhhhh”-gevoel, die liefde wat ek hier om my voel draai. 

Die tye oppad is tog die tye wanneer ek dink.  Oor Meelbroeke, en veral Snowflake, se toekoms.  En oor die afgelope fees, oor die volgende een, en alles wat tussenin moet gebeur.  Oordenking, besinning en herbesinning.

Iets links voor in die pad vang my oog – ‘n stokou gôgô en vermoedelik haar kleinseun of selfs agterkleinseun.  Sy, krom van ouderdom, toegedraai in veelkleurige lappe, gesig verkreukel, pakkies op die rug, hand geklem om ‘n tuisgemaakte stok-kierie.  Hy, ongeveer agt of nege jaar oud, ronde wangetjies, kort, stewige lyf, blink oë, sy hand styf in Ouma se ander hand.  Hulle is oppad.  Waarheen, dit weet ek nie.  En teen 120km/uur, staan die wêreld vir my ‘n oomblik stil, asof gepause midde-in ‘n fliek.  Ons almal jaag ons byna dood.  Ons staan vroeg op, om laataand tuis te kom.  Ons leef oor die algemeen goed, daar is min wat ons nodig het en ons het baie wat ons nie nodig het nie.  Iewers verloor ons egter iets.  Iets langs die pad.  Die hiatus.  Daardie oomblik waarin alles tot stilstand kom, die sfeer waarin niks gesê hoef te word nie, waarin woorde onnodig is.  Ons verloor midde ons pogings om te oorleef, die goue oomblikke van eenvoud.  Om saam met Ouma te stap, die sonsondergang raak te sien, oë toe, daardie slukkie koffie te waardeer!  Ek is skuldig.  Die pogings om Snowflake op Meelbroeke se rak te kry, die min slaap, tye waarin telefoonoproepe, WhatsApp boodskappe en eposse my die mooi om my laat verloor.

Baie dankie vir die oorweldigende reaksie op die webwerf.   Ek probeer so gou moontlik op alle navrae  reageer.  Wees asseblief geduldig, ek bedryf ‘n eenvrou-besigheid, die antwoord op ‘n epos mag dalk bietjie sloer.  En ons is grootliks uitverkoop ná  Aardklop, voorraad sal weer teen die eerste week in November aangevul wees.  Elke item word handgemaak en gekleur, dit is nie massaproduksie nie, en neem langer om te voltooi as iets wat net van ‘n rak in ‘n afdelingswinkel gehaal word en nog na China ruik!

Só is Aardklop in ‘n ommesientjie verby!  Mense en was dit besig!  Dankie vir ieder en elk wat daar was…..vir elkeen se bydrae en heelhartige ondersteuning.  Die “ooh”s en “aah”s oor die dungarees en rokkies!  Dit het my wildste verwagtinge oortref!  Sonder júlle, die Meelbroek-liefhebbers, sou dit nie moontlik wees nie.  Dankie aan elke vreemdeling wat ‘n vriend geword het.  Dankie vir julle, wat nie konformeer nie, nie gewoon is nie, maar buitengewoon!  Júlle maak al die harde werk en opofferings die moeite werd!

Ek is tuis vir 4 dae voordat die wiele weer rol.  Daar is immers Meelbroeke wat gekleur en versend moet word! J  Snowflake is nou ook beskikbaar by Blomkind Hippieshop in Langenhovenpark, Bloemfontein asook Beach Bliss, Struisbaai. 

Mag jy ‘n hiatus ervaar in die gejaagdheid van ons lewe!  Mag jy die Meelbroek-kleure van die lewe in sy volle intensiteit ervaar, kom ons maak tyd om dit raak te sien!

Groetnis tot volgende keer.

GEMAKSONE….DIE PLEK WAAR NIKS GEBEUR NIE

Die afgelope paar weke was die leerkurwe bietjie minder steil, maar tog het ‘n paar lesse hulleself tuisgemaak in die lewe van Meelbroeke.  Ek deel dit graag met julle.

Onlangs, toe ek my getroue bakkie (sommige noem dit liewer ‘n trokkie) laat diens, sit daar ‘n jong man oorkant my en wag vir sy voertuig.  Voor hom, ‘n stapel papiere.  Regs van hom, drie van daardie vouer-leêrs, die soort waarin papiere soos dié voor hom gebêre word.  Links van hom, ‘n skootrekenaar en by sy regterhand, ‘n sterk koppie koffie.  Die ordelikheid van dit alles val my op.   Ek wonder toe so in die stilligheid of dit nie die tipe werk wat in ‘n kantoor hoort nie?  Iets wat ‘n sekretaresse of admin persoon behoort waar te neem?  Hy raak aan die gesels met een van die dames van die werkswinkel-kantoor en ek hoor die frustrasie in sy stem.  “Ek wil nie hierdie doen nie”, “Ek wil hier uit”, “Dit raak te veel vir my”.  Voel ons nie maar almal so, op een of ander stadium van ons lewe nie?  Die admin van die lewe raak te veel, die organisering, pogings om die boeke te laat klop, die aanslae op ons persoonlike lewe, en, les bes, die frustrasies om in ‘n plek te wees waar jy nie wil wees nie!   So graag as wat ons almal wil, is roomys verkope op ‘n goue strand net nie lewensvatbaar nie.  Dus droom ons en wens ons dat daar iewers, iewers ‘n verligting sal kom van die vinnige stadslewe of van die drukte van die korporatiewe sektor.  Sommige gelukkiges kry dit reg om alles te los en êrens vir hulself ‘n rustiger lewe uit te kap.  Hulle is min.

Later, toe ek groet, praat ek ‘n rukkie met hom en besef dat ek eintlik gedoen het waarvoor ek altyd gewens het.  Ek is my eie baas.  WOW!  Hoe het dit gebeur?  Skielik het die wete my tussen die oë getref!  EK LEEF MY DROOM!  Die droom om ‘n eie besigheid te bedryf.  Die droom om uit my gemaksone te stap.  Die droom om totaal ‘n ander rigting in te slaan as waarin ek gemaklik gevoel het. 

Dit het baie lank geneem om tot hier te kom.  Om elke element van Snowflake te bring tot op die punt waar dit nou is.  Bloedsweet en trane, ontelbare telefoonoproepe, moeilike besluite.  Maar dit was elke oomblik se finansiële benoudheid (wat nog nie verby is nie!) die moeite werd!  Mag elkeen wat ‘n Snowflake broek of rokkie of dungaree aantrek, smag na meer.  Dit IS, sonder twyfel, die gemaklikste klere!  Dankie dat julle die pad saam stap.  Moenie ophou om terugvoer te gee nie, ons luister!

En wanneer jy op die punt kom om ‘n besluit in jou lewe te neem, wat jou uit jou gemaksone skop, doen jou huiswerk goed – en neem die eerste stap!  Die res sal volg…….

Ons is trots om julle te vertel dat Snowflake binnekort beskikbaar is by Just Blossom in Pongola, besoek hulle gerus as jy naby is.

En ons is van 24-28 September by Aardklop in Potchefstroom.

Groetnis tot volgende keer!

THE MEELBROEK STORY

Meelbroeke has many stories, from different timeframes and different countries, to different people and now also different prints and more styles.

In short, many years ago, during the depression from 1929 to around 1933, there was great poverty all over the world.  In many countries, mothers had to use their innovative skills to feed and dress their families.  Not only in South Africa, but also in Australia and the USA.  Flour sacks were washed and bleached, washed and bleached to whiten it and when it was ready at last, it was soft and white.

Many stories are told at the festivals we travel to, about grandparents who used to wear these clothes, how poor they were and how hard it was to survive.  Of all these stories, one stood out.  There was a young man that stopped at our stall at Innibos one year and told us that his great-grandmother was to get married.  And since there was no fabric to be found, they used these old flour sacks, whitened it, and made a dress.  This dress is still in the family.   I did not get a contact number or name, so if you read this, please contact me, I would love to have a photo of the dress!

In the US, flour manufacturers saw the need for fabric, and started to print flour sacks with pretty designs, even patterns to make teddy bears from!  How innovative!  Read more here

Back to our own Flour Bag Pants, affectionately known as Meelbroeke, which now, incidentally, also include dresses and other items, but the name sticks!

The first Bokomo pants were made from the real Flour Bags, and if you bought one around 30 years ago, you might still have the original Meelbroek!  Nowadays the fabric is printed as there are no more bags like they used in the olden days and plastic and poly propylene is now used to make the bags.  The same fabric is still used, although a little stronger than that of the flour bags.

These garments might be a little stiff when you buy them, mostly due to the colouring process, but after a wash or two, they become soft and before long, you will want to wear nothing else!

Now you can order them here, we have added all the colours and even a chart with sizes to make it easier.

Meelbroeke strive to bring you what YOU want, be it more colours or styles.  Please be sure to also join the Facebook Page and become an Instagram follower to know what we are up to.  You can also post photos and videos, we love to see where our Meelbroeke travels!

If you have one, you will want more.  And if you don’t, TAKE THE LEAP!